Any likeness to anybody or any group, or any carnival, or any city, anywhere between here an where you is, is totally an completely an widdout question a coincidence. No actual people was used in de makin of dis book.An to besides I din write it eh? Me en taking responsibility for dis at all, at all. Yuh know who write it? De ancestors. Dem ole spirits pack up in meh poor empty head an start makin me write all dis chupidness. Dey make me write bout tings I wasn even dere to see.Ah write a whole episode bout de time de Bacchanal Bobol Brigade had a fight durin a meetin. How de Chairman tell de Treasurer he went to school during recess. How somebody bawl out ‘Ah hear he not landed!”. It was ruction. But I wasn dere eh?De ancestors make me write bout de time Jack went up de hill to fetch a pail of water for he mudda an fall back dong de hill an how half crack Jill pelt sheself dong de hill behine he. Den dey make meh write bout carnival in Icebox Land an how we cah seem to make a cent profit even doh every hotel full an every snackette busy - even de jamette an dem making currency. But doh call no name eh? Me en have no whistle.
advertisement